Nazam Tanda Kiamat

NAZAM TGK CHIK TANOH ABEE☆

Siploeh yg rayek tanda kiamat,
Nabi Muhammad na geu meusabda,
Oh katroeh wate kato kiamat,
Geubi alamat Siploeh boh tanda..

Tanda yg keu phoen nabi hareuto,
Rata jeut nanggroe kayem that geumpa,
Tanda keun dua meunan cit bago,
rata jeut nanggroe jiek ie raya

Tanda yg keu lhee wahai dum kawoem, Keudee dum tutong dusoen ngoen kota, Rata jeut nanggroe tadeungoe tutoeng, Kota ngoen gmpoeng bandum seureuta

Tanda yg keupeut adun ngon ado,Rata jeut nanggroe meuprang saudara, Kafe ngoe ngoen kafe hana reuda prang, Ureung islam pih sama saja.

Tanda keu limoeng wahai dum sahbat,Rata jeut simpang keudee meubanja, Kateudoeng keudee rata jeut simpang, Meukat makanan pupu yg hawa

Tanda yg keunam wahai dum rakan,
Dilee gasintat jino ka kaya,
Jino ka kaya hareuta le that, Rumoeh meu tingkat jeundela kaca,,

Tanda keu tujoeh hai bungoeng siroen,Dilee kaya that jino ka papa,
Hareuta tanle blang deungoen lampoh,
Cit tinggai teuboeh hudep seunsara

Tanda keulapan geu kheun le nabi,
Ureung ek Haji rame lagoina,
Ramee meuleupah ureung ek haji,
Ladoem peng suci ladoem peng riba

Ladoem yg kaya bak cok tong judi,
Meutamah lagi agen bak cina,
Ladom yg kaya bak agen candu,
Na yg meukat bu buleun puasa,
Asai ka kaya laju umeukah,
Bateu deungoen sah hana jikira,,

Tanda sikureung leumpah geot reugam,
Inong ngoen agam hana le beda,
Inong soek leweu agam panyang oek,
Ka sapu anggoek pikiran sama

Ta eu soek leuweu sang aneuk agam,
Ta nging ok panyang sang aneuk dara,,

Tanda keu siploeh nabi riwayat,
Rakyat meu larat dusoen ngoen banda,
Ureung yg meukat palak jih that hat,
Kaji cok pajak meulipat ganda,
Nibak masa nyan han so pakoe,
Peumimpin nanggroe ade tan le na,

Rakyat ban kameng ikat lam uroe,
Pemimpin nanggroe buas ban singa,
Oh bacut salah rakyat lam nanggroe,
Boh bajoe beusoe jitroem jitampa

Nyoe han ta turoet lagee ji peugah,
Keuneong beureukah masoek peunjara,
Bandum beuta turoet lage ji peugah,Meunyoe tabantah di ilanya

Rakyat lam nanggroe dum teuhak babah,
Lagee kameng grah dalam uroe kha,Nibak masanyan han ek soe pike,Ulama jahee masa nyan teuka

Ulama jahee lumpah tat kaplat,
Hadih ngoen ayat di tuka tuka,
Ulama jahee lumpah tat dengki,
Sabee di caci alam pukaha,
Bak hadis za'if sinan di meudoeng,
Laen bandum keon han di peucaya

Aneuk peusantren di peugah salah,
Watee khutubah di thok thok dada,
Di peugah hukoem yg salah-salah,
Di mita meugah bak ureung donya..

Oh no keuh meuteong tanda yg siploeh,
Aleh cit ka troeh ci neu peunyata,,??? Yang karang Nazam TGK CHIK TANOH ABEE,
bak thoen siribee lapan ploh dua.

Repost by Zulfikar Saimi.

Seulaweut Umpama Tuboh

UMPAMA

“Umpama tuboh na miseu kapai

Hate didalam didalam miseu nakhoda

Meunyoe hna jroh hana jroh hate didalam didalam

Tente kapainya akan binasa”

Video Langsung

radat

Yoh goh meulayeu u laoet silam

Jaga peudoman peudoman wahe nakhoda

Peu peu yang putoh yang putoh sambong beurijang beurijang

Yoh mantong ji dong la ji dong di ming kuala.

Islam keu layeu iman keu tiang

Tauhid didalam didalam keu labang punca

Rukon 13 lah 13 keu taloe saoeh la saoeh

Sifeut 20, 20 keu bawot ruda

Beu ingat ingat wahe e tuboh

Yoh gohlom trok gohlom trok perintah teuka

Oh trok perintah perintah kapai pih jiwo lajiwo

Dihadap nanggroe Akhirat yang keukai baqa.

Kapai pih broek meu laoet pih lok

Taharap beutrok lah beutrok keudeh bak raja

Diraja geupreh la geupreh dirabbul jali la jali

Meupeuh keu tabri la tabri amalan hana.

zulfikarsaimi@gmail.com